കൊച്ചി: അഖിലേന്ത്യാ ഫുട്‌ബോള്‍ ഫെഡറേഷന്റെ യൂത്ത് ഡെവലപ്‌മെന്റ് പദ്ധതിയുടെ ഭാഗമായുള്ള കേരളത്തിലെ ആദ്യ എ.ഐ.എഫ്.എഫ് ബേബി ലീഗിന് ഇന്ന് അംബേദ്കര്‍ സ്റ്റേഡിയത്തില്‍ തുടക്കമാകും.
കേരള ബ്ലാസ്റ്റേഴ്‌സ് ഫുട്‌ബോള്‍ സ്‌കൂളുമായി സഹകരിച്ചു സംസ്ഥാനത്തെ പല ഭാഗങ്ങളിലും ഗ്രാസ് റൂട്ട് ഫുട്‌ബോള്‍ ഡെവലപ്‌മെന്റ് പദ്ധതികള്‍ നടപ്പാക്കി വരുന്ന സ്‌കോര്‍ലൈന്‍ സ്‌പോര്‍ട്‌സ് ആണ് സംഘാടകര്‍. 2019 മാര്‍ച്ച് വരെ നീളുന്ന ലീഗ് മത്സരങ്ങള്‍ മൂന്ന് വിഭാഗങ്ങളിലായാണ് നടത്തുന്നത്. അണ്ടര്‍ 9, അണ്ടര്‍ 11, അണ്ടര്‍ 13.
ഓരോ വിഭാഗത്തിലും എട്ടു ടീമുകള്‍ വീതം 24 ടീമുകള്‍ മത്സരിക്കും. ഓരോ വിഭാഗത്തിലും ഒറ്റ സീസണില്‍ മാത്രം 56 മത്സരങ്ങള്‍ ഉണ്ടാവും.