തൊടുപുഴ:  കരിങ്കുന്നം സെന്റ് അഗസ്റ്റിയന്‍സ് ഹയര്‍ സെക്കന്‍ഡറി സ്‌കൂളില്‍ ഒമ്പതിന് കരിയര്‍ ഗൈഡന്‍സ് സെമിനാറും സംസ്ഥാനതല ക്വിസ് മത്സരവും നടത്തുമെന്ന് സ്‌കൂള്‍ പ്രിന്‍സിപ്പല്‍ യു കെ സ്റ്റീഫന്‍ വാര്‍ത്താസമ്മേളനത്തില്‍ പറഞ്ഞു.
ജില്ലാ പഞ്ചായത്ത് പ്രസിഡന്റ് കൊച്ചുത്രേസ്യ പൗലോസ് ഉദ്ഘാടനം ചെയ്യും. സ്‌കൂള്‍ മാനേജര്‍ ഫാ. തോമസ് കരിമ്പുംകാലായില്‍ അധ്യക്ഷനാകും.
സ്‌കൂളിലെ പൊളിറ്റിക്കല്‍ സയന്‍സ് അധ്യാപകനായിരുന്ന കെ ടി സാബുവിന്റെ സ്മരണാര്‍ഥം സംഘടിപ്പിക്കുന്ന സംസ്ഥാനതല ക്വിസ് മത്സരം  കരിങ്കുന്നം പഞ്ചായത്ത്  പ്രസിഡന്റ് ബീന ബിജു ഉദ്ഘാടനം ചെയ്യും.
ഹയര്‍ സെക്കന്‍ഡറി, ഹൈസ്‌കൂള്‍ വിഭാഗങ്ങള്‍ക്കായി നടത്തുന്ന മത്സരത്തില്‍ ഒരു സ്‌കൂളില്‍നിന്ന് എത്ര ടീമുകള്‍ക്കുവേണമെങ്കിലും പങ്കെടുക്കാം. രണ്ട് പേര്‍ അടങ്ങുന്നതാണ് ടീം.
വിജയികള്‍ക്ക് യഥാക്രമം 5001, 3001, 2001 രൂപയുട ക്യാഷ് അവാര്‍ഡും എവര്‍ റോളിങ് ട്രോഫിയും നല്‍കും. കൂടാതെ പ്രോത്സാഹന സമ്മാനങ്ങളും നല്‍കും.
വാര്‍ത്താസമ്മേളനത്തില്‍ പി.ടി.എ പ്രസിഡന്റ് റെജി പി. തോമസ്,  ബാബു എബ്രാഹം, യു.പി തങ്കച്ചന്‍ എന്നിവരും പങ്കെടുത്തു.