കട്ടാങ്ങല്‍: എന്‍.ഐ.ടിക്കു സമീപം കട്ടാങ്ങല്‍ അങ്ങാടിയിലെ രണ്ട് മൊബൈല്‍ ഷോപ്പുകളില്‍ മോഷണം. ഇന്നലെ പുലര്‍ച്ചെയാണു മോഷണം നടന്നത്.
രാവിലെ ആറിനു ശേഷം കടകളുടെ ഷട്ടറിന്റെ കുറഞ്ഞ ഭാഗം തുറന്നതു നാട്ടുകാരുടെ ശ്രദ്ധയില്‍പെടുകയായിരുന്നു. നാട്ടുകാര്‍ വിവരമറിയിച്ചതിനെ തുടര്‍ന്ന് കുന്ദമംഗലം പൊലിസും വിരലടയാള വിദഗ്ധരും സ്ഥലത്തെത്തി പരിശോധന നടത്തി.
ടീസ് പ്ലസ് മൊബൈല്‍ ഷോപ്പില്‍ നിന്ന് മൊബൈല്‍, മെമ്മറി കാര്‍ഡ്, പെന്‍ഡ്രൈവ് അടക്കം 70,000 രൂപയോളവും തൊട്ടടുത്തുള്ള ലൈക്‌സ് മൊബൈല്‍ ഷോപ്പില്‍ നിന്ന് മൊബൈല്‍ ഫോണുകളടക്കം 25,000ത്തോളം രൂപയുടെ നഷ്ടവും കണക്കാക്കുന്നു.