കോഴിക്കോട്: കുന്ദമംഗലം എച്ച്.എസ്.എസില്‍ നടന്ന ജില്ലാതല കമ്പവലി മത്സരത്തില്‍ ചക്കാലക്കല്‍ എച്ച്.എസ്.എസിന് ഇരട്ട വിജയം. ജൂനിയര്‍ ആണ്‍കുട്ടികളുടെ (560 കിലോ) വിഭാഗത്തിലും സബ് ജൂനിയര്‍ പെണ്‍കുട്ടികളുടെ (420 കിലോ ) വിഭാഗത്തിലുമാണ് സ്‌കൂള്‍ ടീമുകള്‍ വിജയികളായി സംസ്ഥാനതല മത്സരത്തിലേക്കു യോഗ്യത നേടിയത്.
ജൂനിയര്‍ ആണ്‍കുട്ടികളുടെ(540 കിലോ) വിഭാഗത്തിലും സബ് ജൂനിയര്‍ ആണ്‍കുട്ടികളുടെ (500 കിലോ) വിഭാഗത്തിലും സ്‌കൂള്‍ രണ്ടാംസ്ഥാനവും നേടി. ടീമുകള്‍ കാസര്‍ക്കോട്ടു വച്ചു നടക്കുന്ന സംസ്ഥാന കമ്പവലി മത്സരത്തില്‍ ജില്ലയെ പ്രതിനിധീകരിച്ചു പങ്കെടുക്കും.