തിരുവനന്തപുരം: ശബരിമല യുവതീപ്രവേശനവുമായി ബന്ധപ്പെട്ട് സംസ്ഥാന സര്‍ക്കാര്‍ സുപ്രിംകോടതിയിലേക്ക്. വിധി നടപ്പാക്കുന്നതിന് സംഘടനകള്‍ ഉണ്ടാക്കുന്ന തടസങ്ങള്‍ അറിയിക്കാനും പൊലിസിനുണ്ടാകുന്ന ബുദ്ധിമുട്ടുകള്‍ അറിയിക്കാനുമാണ് സര്‍ക്കാര്‍ തീരുമാനം.

ചീഫ് സെക്രട്ടറിയാകും ഇക്കാര്യങ്ങള്‍ പരാമര്‍ശിക്കുന്ന അപേക്ഷ കോടതിയില്‍ സമര്‍പ്പിക്കുക. ഇതു സംബന്ധിച്ചുള്ള പ്രാഥമിക ചര്‍ച്ചകള്‍ ഡല്‍ഹിയില്‍ പൂര്‍ത്തിയായി. സര്‍ക്കാര്‍ സ്റ്റാന്റിങ് കൗണ്‍സില്‍ ജി.പ്രകാശ് മുതിര്‍ന്ന അഭിഭാഷകരും ആയി കൂടികാഴ്ച നടത്തി. ബുധനാഴ്ചയോടെ സര്‍ക്കാരിന്റെ അപേക്ഷ ഫയല്‍ ചെയ്‌തേക്കുമെന്നാണ് സൂചനകള്‍.

ശബരിമലയിലെ യുവതീപ്രവേശന വിധി നടപ്പാക്കാന്‍ സാവകാശം ആവശ്യപ്പെട്ട് ദേവസ്വം ബോര്‍ഡ് നേരത്തെ സുപ്രിം കോടതിയെ സമീപിച്ചിരുന്നു.