പമ്പ: ശബരിമലയില്‍ തീര്‍ഥാടകരുടെ വരവ് കുറഞ്ഞതിനെ തുടര്‍ന്ന് അരവണ ഉല്‍പ്പാദനം അഞ്ചിലൊന്നായി കുറച്ചു. തീര്‍ഥാടകരുടെ വരവ് ഗണ്യമായി കുറഞ്ഞതോടെ അപ്പം ഉല്‍പ്പാദനം നിര്‍ത്തിവച്ചു. വാങ്ങാന്‍ ആളില്ലാതയതോടെയാണ് ഉല്‍പ്പാദനം നിര്‍ത്തിവച്ചത്.

48000 ടിന്‍ അരവണ ഉല്‍പ്പാദിപ്പിച്ചിരുന്ന സ്ഥാനത്ത് ഇപ്പോള്‍ 9600 ടിന്‍ അരവണ മാത്രമാണ് ഉല്‍പ്പാദിപ്പിക്കുന്നത്. ഇത്തവണ ദേവസ്വം ബോര്‍ഡിന്റെ വരുമാനത്തില്‍ വന്‍ ഇടിവാണ് സംഭവിച്ചിരിക്കുന്നത്. വില്‍പ്പന കുറയുമ്പോള്‍ മുന്‍പും ഉല്‍പ്പാദനം നിര്‍ത്തിയിട്ടുണ്ടെന്ന് ദേവസ്വം അധികൃതര്‍ അറിയിച്ചു.