മനാമ: കരുണയാണ് തിരുനബി (സ) എന്ന പ്രമേയത്തില്‍ സമസ്ത ബഹ്‌റൈന്‍ സംഘടിപ്പിച്ചു വരുന്ന മീലാദ് കാന്പയിന്റെ ഭാഗമായി മനാമയിലെ സമസ്ത കേന്ദ്ര മദ്‌റസയില്‍ നടന്ന മൗലിദ് സദസ്സ് വിശ്വാസികളുടെ പങ്കാളിത്തം കൊണ്ട് ശ്രദ്ധേയമായി. ബഹ്‌റൈന്‍ കോടതി ജഡ്ജി അശ്ശൈഖ്ഹമദ് സാമി അല്‍ഫാളില്‍ അദ്ദൗസരി ഉദ്ഘാടനം ചെയ്തു. പ്രവാചകന്‍ മുഹമ്മദ് നബി(സ) യുടെ ജീവിത ചര്യകള്‍ മാതൃകയാക്കണമെന്നും ജീവിതത്തില്‍പകര്‍ത്തണമെന്നും അദ്ദേഹം വിശ്വാസികളോട് ആഹ്വാനം ചെയ്തു. ആയിരങ്ങള്‍ പങ്കെടുത്ത സദസ്സില്‍ മൗലിദ് പാരായണം, അന്നദാനം എന്നിവയും നടന്നു. സമസ്ത ബഹ്‌റൈന്‍ പ്രസിഡന്റ് സയ്യിദ് ഫഖ്‌റുദ്ധീന്‍ തങ്ങള്‍ അധ്യക്ഷനായി. അശ്‌റഫ് അന്‍വരി ചേലക്കര, ഹാഫിള് ശറഫുദ്ധീന്‍ കണ്ണൂര്‍, വി.കെ കുഞ്ഞഹമ്മദ് ഹാജി, കളത്തില്‍ മുസ്തഫ, അബ്ദുല്‍ വാഹിദ് , ശഹീര്‍ കാട്ടാമ്പള്ളി, ഖാസിം റഹ് മാനി വയനാട്, ഖാസിം മൗലവി , റബീഅ് ഫൈസി, വിഖായ അംഗങ്ങള്‍ തുടങ്ങിയവര്‍ നേതൃത്വം നല്കി. സമസ്ത ബഹ്‌റൈന്‍ കേന്ദ്ര - ഏരിയ നേതാക്കളും പങ്കെടുത്തു.