ലഖ്‌നൗ: അയോധ്യയില്‍ ബാബരി മസ്ജിദ് നിലനിന്ന ഭൂമി ഹിന്ദുക്കള്‍ക്ക് വിട്ടുകൊടുത്തതിനൊപ്പം മുസ്‌ലിംകള്‍ക്ക് അനുവദിച്ച അഞ്ചേക്കര്‍ ഭൂമിയില്‍ നിര്‍മിക്കുന്ന പള്ളിക്ക് മുന്‍ രാഷ്ട്രപതി എ.പി.ജെ അബ്ദുല്‍ കലാമിന്റെ പേരിടണമെന്ന് വി.എച്ച്.പി ആവശ്യപ്പെട്ടു.
ബാബര്‍ ഒരു അക്രമിയാണെന്നും പുതിയ പള്ളിക്ക് അദ്ദേഹത്തിന്റെ പേരിടരുതെന്നും വി.എച്ച്.പി ആവശ്യപ്പെട്ടു. വീര്‍ അബ്ദുല്‍ ഹമീദ്, അഷ്ഫഖുല്ലാ ഖാന്‍, എ.പി.ജെ അബ്ദുല്‍ കലാം തുടങ്ങിയവരുടെ പേര് പുതിയ പള്ളിക്ക് നല്‍കാവുന്നതാണെന്നും സംഘടന വക്താവ് ശരത് ശര്‍മ പറഞ്ഞു.