ദുബൈ: വാതുവയ്പുമായി ബന്ധപ്പെട്ട് ഐ.സി.സി വിലക്കേര്‍പ്പെടുത്തിയ ബംഗ്ലാദേശ് ഓള്‍റൗണ്ടര്‍ ഷാക്കിബ് അല്‍ ഹസന് ടി20 റാങ്കിങ് നഷ്ടം. താരത്തെ ഉള്‍പ്പെടുത്താതെയാണ് ഐ.സി.സി ഏറ്റവുമൊടുവിലെ റാങ്കിങ് പുറത്തുവിട്ടത്. വിലക്കിന് മുന്‍പ് ഓള്‍റൗണ്ടര്‍മാരുടെ പട്ടികയില്‍ രണ്ടാം സ്ഥാനത്തും ബാറ്റ്‌സ്മാന്‍മാരുടെ പട്ടികയില്‍ ഒന്‍പതാം സ്ഥാനത്തുമായിരുന്നു ഷാക്കിബ്.
വാതുവയ്പുകാര്‍ സമീപിച്ച വിവരം ഐ.സി.സിയെ അറിയിച്ചില്ലെന്ന കുറ്റത്തിനാണ് ഷാക്കിബിന് വിലക്കേര്‍പ്പെടുത്തിയത്. പന്ത് ചുരണ്ടല്‍ വിവാദത്തെ തുടര്‍ന്ന് വിലക്ക് നേരിട്ട കാലത്ത് സ്റ്റീവ് സ്മിത്തും ഡേവിഡ് വാര്‍ണറും ഐ.സി.സി റാങ്കിങില്‍ ഇടം പിടിച്ചിരുന്നു. എന്നാല്‍ ഷാക്കിബിനെ എന്തുകൊണ്ട് ഒഴിവാക്കി എന്നതു സംബന്ധിച്ച് വിശദീകരണമൊന്നും ഐ.സി.സി നല്‍കിയിട്ടില്ല.