കോട്ടയം: മലങ്കര ഓര്‍ത്തഡോക്‌സ് സഭാ വര്‍ക്കിങ് കമ്മിറ്റി കോട്ടയം ദേവലോകം കാതോലിക്കേറ്റ് അരമനയില്‍ തിങ്കളാഴ്ച്ച രാവിലെ 10.30ന് പരിശുദ്ധ കാതോലിക്കാ ബാവായുടെ അധ്യക്ഷതയില്‍ ചേരും.  
സഭാ കേസ് സംബന്ധിച്ച്  ജൂലൈ മൂന്നിലെ സുപ്രിം കോടതി വിധിയുടെ സംഗ്രഹവും സഭയില്‍ സമാധാനം പുന:സ്ഥാപിക്കാന്‍  ആഹ്വാനം ചെയ്തുകൊണ്ടുള്ള പരിശുദ്ധ ബസേലിയോസ് മാര്‍ത്തോമ്മാ പൗലോസ് ദ്വിതീയന്‍ കാതോലിക്കാ ബാവയുടെ കല്‍പനയും ഉള്‍പ്പെടുത്തി സഭാ പബ്ലിക്ക് റിലേഷന്‍സ് വകുപ്പ് തയാറാക്കിയ 'ഒരിടയനും ഒരാട്ടിന്‍കൂട്ടവും'  എന്ന ഗ്രന്ഥം ജസ്റ്റിസ് ബഞ്ചമിന്‍ കോശിക്ക് നല്‍കി പരിശുദ്ധ കാതോലിക്കാ ബാവാ പ്രകാശനം ചെയ്യും.