കോഴിക്കോട്: ജില്ലാതല സ്വാതന്ത്ര്യദിന പരേഡ് ഓഗസ്റ്റ് 15ന് വെസ്റ്റ്ഹില്‍ വിക്രം മൈതാനിയില്‍ നടക്കും. രാവിലെ 8.30ന് തുടങ്ങുന്ന പരേഡില്‍ സായുധ പൊലിസ്, ലോക്കല്‍ പൊലിസ്, വനിതാ പൊലിസ്, എക്‌സൈസ്, ഫോറസ്റ്റ്, ഫയര്‍ ആന്‍ഡ് റെസ്‌ക്യു, വിവിധ സ്‌കൂളുകളിലെ എന്‍.സി.സി, എസ്.പി.സി, സ്‌കൗട്ട് ആന്‍ഡ് ഗൈഡ്‌സ്, റെഡ്‌ക്രോസ് കേഡറ്റുകള്‍ അടക്കം 25 പ്ലാറ്റൂണുകള്‍ അണിനിരക്കും.
ഓഗസ്റ്റ് 10, 11 തിയതികളില്‍ വൈകിട്ട് മൂന്നിന് പരേഡിന്റെ റിഹേഴ്‌സലും 12ന് ഡ്രസ് റിഹേഴ്‌സലും വിക്രം മൈതാനിയില്‍ നടക്കും. പരേഡിന്റെ ഒരുക്കങ്ങള്‍ വിലയിരുത്തുന്നതിനായി കലക്ടറേറ്റില്‍ ചേര്‍ന്ന യോഗത്തില്‍ ജില്ലാ കലക്ടര്‍ യു.വി ജോസ് അധ്യക്ഷനായി.