കൊച്ചി: വെട്ടിത്തറ മോര്‍ മിഖായേല്‍ വലിയ പള്ളിയില്‍ ഇരു വിഭാഗങ്ങള്‍ തമ്മില്‍ സംഘര്‍ഷം. പള്ളിയില്‍ പ്രവേശിക്കാനുള്ള ഓര്‍ത്തഡോക്‌സ് വിഭാഗത്തിന്റെ ശ്രമം യാക്കോബായ വിഭാഗം തടഞ്ഞതോടെയാണ് സംഘര്‍ഷാവസ്ഥയുടലെടുത്തത്. പള്ളിയുടെ ഗേറ്റ് പൂട്ടിയ സ്ത്രീകള്‍ അടക്കമുള്ള യാക്കോബായ വിഭാഗം വിശ്വാസികളാണ് പ്രതിരോധവുമായി രംഗത്തുവന്നത്.

മൂന്നു വൈദികരുടെ നേതൃത്വത്തിലാണ് ഇരുപതോളം ഓര്‍ത്തഡോക്‌സ് വിഭാഗം വിശ്വാസികള്‍ പള്ളിയില്‍ പ്രവേശിക്കാന്‍ എത്തിയത്.

ഇവര്‍ പ്രതിഷേധ സൂചകമായി മുദ്രാവാക്യം വിളിക്കുന്നുണ്ട്. മൂവാറ്റുപ്പുഴ ഡി.വൈ.എസ്.പിയുടെ നേതൃത്വത്തില്‍ പൊലിസ് സംഘം സ്ഥലത്ത് ക്യാംപ് ചെയ്യുന്നുണ്ട്.
വെട്ടിത്തറ പള്ളി ഇടവകയില്‍ 290റോളം യാക്കോബായ വിഭാഗക്കാരാണുള്ളത്.