പാലക്കാട്: ജി.എസ്.ടി നിയമത്തിലെ അപാകത പരിഹരിക്കണമെന്നാവശ്യപ്പെട്ട് സതണ്‍ റെയില്‍വേ കോണ്‍ട്രാക്ടേഴ്‌സ് ഓര്‍ഗനൈസേഷനും ഇന്ത്യന്‍ റെയില്‍വെ ഇന്‍ഫ്രാസ്ട്രക്ച്ചര്‍ പ്രൊവൈഡേഴ്‌സ് അസോസിയേഷനും സംയുക്തമായി അനിശ്ചിത കാല പണിമുടക്കിന് തയ്യാറാകുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.
നാളിത് വരെ സര്‍വീസ് ടാക്‌സിന്റെ പരിധിയില്‍ വരാത്ത റെയില്‍വേ ജോലികള്‍ക്ക് ജി.എസ്.ടി നിയമത്തിന്റെ പരിധിയിലുള്‍പ്പെടുത്തിയിരിക്കുകയാണ്. ജി.എസ്.ടി നടപ്പാക്കുന്നതിന് മുമ്പുള്ള ടെണ്ടറുകള്‍ക്ക് 18 ശതമാനം നികുതി നല്‍കണമെന്ന വ്യവസ്ഥ കരാറുകാര്‍ക്ക് അധിക ബാധ്യതയുണ്ടാക്കും. ടെണ്ടര്‍ വിളിക്കുമ്പോള്‍ നിലവിലുള്ള നികുതി മാത്രം കണക്കാക്കി പത്ത് ശതമാനം ലഭാം മാത്രം ഉള്‍ക്കൊള്ളിച്ചാണ് വിളിച്ചിരിക്കുന്നത്. ഇത് കൊണ്ട് നേരത്തെ കരാറുകള്‍ക്ക് പുതിയ വ്യവസ്ഥ ഒഴിവാക്കണം.
ഇക്കാര്യം ചൂണ്ടികാണിച്ച് റെയില്‍വേ മന്ത്രാലയത്തിനും മന്ത്രിക്കും നിവേദനം നല്‍കിയെങ്കിലും യാതൊരു നടപടിയും സ്വീകരിച്ചിട്ടില്ല.
മുന്നോടിയായി ഇന്നലെ സൂചന സമരം നടത്തി. പ്രശ്‌ന പരിഹാരം കാണാത്തപക്ഷം ഓഗസ്റ്റ് പത്ത് മുതല്‍ പാലക്കാട്, തിരുവനന്തപുരം റെയില്‍വേ ഡിവിഷനുകളുടെ കീഴിലുള്ള എല്ലാ ജോലികളും നിര്‍ത്തിവച്ച് അനിശ്ചിതകാല പണിമുടക്ക് നടക്കും.
വാര്‍ത്താസമ്മേളനത്തില്‍ എസ്.ആര്‍.സി.ഒ പാലക്കാട് ഡിവിഷന്‍ പ്രസിഡന്റ് കെ.എ ജോണ്‍സണ്‍, സെക്രട്ടറിമാരായ കെ.ആര്‍ ബൈജു, ശിവകുമാര്‍, ശിവപ്രസാദ് പങ്കെടുത്തു.