കൊണ്ടോട്ടി: നെടുമ്പാശ്ശേരി ഹജ്ജ് എംബാര്‍ക്കേഷന്‍ പോയിന്റിന്റെ കേന്ദ്ര കോ ഓഡിനേറ്റര്‍ ആയി ഇ.ടി മുഹമ്മദ് ബഷീര്‍ എം.പിയെ ചുമതലപ്പെടുത്തി. കേരളത്തില്‍ നിന്നുള്ള ഏക കേന്ദ്ര ഹജ്ജ് കമ്മിറ്റി അംഗമാണ് ഇ.ടി. ഇന്ത്യയിലെ 21 എംബാര്‍ക്കേഷന്‍ പോയിന്റുകളിലും കേന്ദ്ര ഹജ്ജ് കമ്മിറ്റി നോമിനേറ്റ് ചെയ്ത കോ ഓഡിനേറ്റര്‍മാരുണ്ട്.
കേരളത്തിന്റെ ഹജ്ജ് എംബാര്‍ക്കേഷന്‍ പോയിന്റ് വിലയിരുത്താന്‍ കേന്ദ്രത്തില്‍ നിന്ന് രണ്ടു ഉദ്യോഗസ്ഥര്‍ ഹജ്ജ് ക്യാംപ് തുടങ്ങുന്നതിന് മുന്നോടിയായി നെടുമ്പാശ്ശേരിയിലെത്തും. ഹജ്ജ് ക്യാംപ് ഓഗസ്റ്റ് 12നും വിമാന സര്‍വിസുകള്‍ 13നുമാണ് ആരംഭിക്കുന്നത്.