പയ്യന്നൂര്‍: ഏഷ്യയിലെ തന്നെ ഏറ്റവും വലിയ നാവിക പരിശീലന കേന്ദ്രമാണ് ഏഴിമല നാവിക അക്കാദമി ഭൂമിയില്‍ നിന്നു ആയുധശേഖരം പിടികൂടിയ സംഭവത്തില്‍ സമഗ്രാന്വേഷണം വേണമെന്ന് സി.പി.എം പയ്യന്നൂര്‍ ഏരിയാ സെക്രട്ടറി ആവശ്യപ്പെട്ടു. ഇതിനടുത്ത മൊട്ടക്കുന്ന് ആര്‍.എസ്.എസിന്റെ ശക്തികേന്ദ്രമാണ്. ഇതിനു സമീപത്തെ അക്കാദമിയുടെ സുരക്ഷാവേലിക്കകത്തു നിന്നുമാണ് വ്യാഴാഴ്ച വന്‍ ആയുധശേഖരവും ബോംബും പിടികൂടിയത്. അതീവതന്ത്രപ്രധാന  സുരക്ഷിത മേഖലയായ നാവിക അക്കാദമി ഭൂമിയില്‍ നിന്നും ബോംബുനിര്‍മാണ സാമഗ്രികളും ആയുധശേഖരവും കണ്ടെത്തിയ സംഭവത്തില്‍ സമഗ്രാന്വേഷണം നടത്തി പ്രതികള്‍ക്കെതിരെ കര്‍ശന നടപടി സ്വീകരിക്കണമെന്നും ടി.ഐ മധുസൂദനന്‍ ആവശ്യപ്പെട്ടു.