പട്ടാമ്പി: പരുതൂര്‍ പഞ്ചായത്തില്‍ സമസ്തയുടെ പ്രവര്‍ത്ത നം ശക്തിപ്പെടുത്തുന്നതിന്റെ ഭാഗമായി പള്ളിപ്പുറം കരുവാന്‍പടിയില്‍  ആരംഭിക്കുന്ന ഇസ്‌ലാമിക് സെന്ററിന്റെ ഉദ്ഘാടനവും പൊതു സമ്മേളനവും ഇന്ന് വൈകിട്ട് ഏഴ് മണിക്ക് നടക്കും. കരുവാന്‍പടി റയ്യാന്‍ പാലസ് ഓഡിറ്റോറിയത്തില്‍ നടക്കുന്ന പരിപാടി സമസ്ത ജനറല്‍ സെക്രട്ടറി കെ. ആലിക്കുട്ടി മുസ്‌ലിയാര്‍ ഉദ്ഘാടനം ചെയ്യും. പള്ളിപ്പുറം റെയ്ഞ്ച് പ്രസിഡന്റ് പി. മുഹമ്മദ് കുട്ടി മുസ്‌ലിയാര്‍ അധ്യക്ഷനാകും. എസ്.വൈ.എസ് സംസ്ഥാന സെക്രട്ടറി അബ്ദുസ്സമദ് പൂക്കോട്ടൂര്‍ മുഖ്യപ്രഭാഷണം നടത്തും. സഹചാരി സെന്റര്‍ സമര്‍പ്പണം വി.ടി ബല്‍റാം എം.എല്‍.എ നിര്‍വഹിക്കും. ടി.കെ മുഹമ്മദ്കുട്ടി ഫൈസി സ്വാഗതവും ടി.പി നസിറുദ്ദീന്‍ മുസ്‌ലിയാര്‍ നന്ദിയും പറയും.