ന്യൂഡല്‍ഹി: ജമ്മു കശ്മിരില്‍ നിലവില്‍ എവിടെയും കര്‍ഫ്യൂ ഇല്ലെന്നും എല്ലാം സാധാരണ നിലയിലാണെന്നും കേന്ദ്ര ആഭ്യന്തര മന്ത്രി അമിത് ഷാ രാജ്യസഭയില്‍.

എന്നാല്‍ അന്തരീക്ഷം പൂര്‍ണമായും സമാധാനപരമാണെന്ന് പറയാനായിട്ടില്ല. അതിര്‍ത്തിയില്‍ ഉടനീളം സംഘര്‍ഷം നിലനില്‍ക്കുന്നുണ്ട്. ഇന്റര്‍നെറ്റ് സൗകര്യങ്ങള്‍ അനിവാര്യമാണ് എന്നാല്‍ ഇത് പുനസ്ഥാപിക്കാന്‍ കൂടുതല്‍ സമയം വേണ്ടിവരുമെന്നും അദ്ദേഹം സൂചിപ്പിച്ചു. ഇക്കാര്യത്തില്‍ പ്രാദേശിക ഭരണകൂടം വേണ്ട നടപടികള്‍ കൈക്കൊള്ളുമെന്നും അദ്ദേഹം പറഞ്ഞു.

മരുന്നുകളെല്ലാം ആവശ്യത്തിന് ലഭിക്കുന്നുണ്ട്. മൊബൈല്‍ മെഡിസില്‍ വാനുകളും ആരംഭിച്ചിട്ടുണ്ട്. ആരോഗ്യമേഖലയിലെ അധികൃതര്‍ ഇക്കാര്യത്തില്‍ വേണ്ട ശ്രദ്ധ പുലര്‍ത്തുന്നുണ്ടെന്നും അദ്ദേഹം പറഞ്ഞു.