മാള: ടൗണിലും പരിസരങ്ങളിലുമായി വ്യാപാര സ്ഥാപനങ്ങളില്‍ മോഷണം നടന്നു. കഴിഞ്ഞ രാത്രിയിലാണ് കെ.കെ റോഡിലെയും ടൗണിലെയും കടകളില്‍ മോഷണം നടന്നത്. നാലിടത്തായി നടന്ന മോഷണങ്ങളില്‍ രണ്ടിങ്ങളില്‍ നിന്നായി 27,000 രൂപയും ഒരു സ്ഥാപനത്തില്‍ നിന്നും വാച്ചും മോഷണം പോയിട്ടുണ്ട്. കെ.കെ റോഡിലുള്ള തുണിക്കടയുടെ ഷട്ടറിന്റെ താഴ് തകര്‍ത്താണ് മോഷ്ടാവ് അകത്ത് കടന്നിട്ടുള്ളത്. തുടര്‍ന്ന് മേശ വലിപ്പിലുണ്ടായിരുന്ന പണം കവര്‍ന്നിട്ടുണ്ട്. കടയുടെ അകത്തും പുറത്തുമായി സ്ഥാപിച്ചിട്ടുള്ള സി.സി.ടി.വി കാമറകളില്‍ ദൃശ്യങ്ങള്‍ പതിഞ്ഞിട്ടുണ്ട്. മുഖം മറയ്ക്കുകയും മഴക്കോട്ടെന്ന് തോന്നിപ്പിക്കും വിധമുള്ളതാണ് വസ്ത്രധാരണം നടന്നത.് തുണിക്കടയിലെ സി.സി.ടി.വി ദൃശ്യങ്ങളനുസരിച്ച് രാത്രി 12.10 ന് ശേഷമാണ് മോഷണം നടന്നതെന്ന് കരുതുന്നു. കെ.കെ റോഡിലുള്ള മൂന്ന് സ്ഥാപനങ്ങളിലും ടൗണിലെ ഒരു സ്ഥാപനത്തിലും നടന്ന മോഷണങ്ങളുമായി പരാതി ഒന്നും ലഭിച്ചിട്ടില്ലയെന്നും കേസ് രജിസ്റ്റര്‍ ചെയ്തിട്ടില്ലെന്നും മാള പൊലിസ് അറിയിച്ചു.