ചൊക്ലി: സര്‍വിസില്‍ നിന്നു വിരമിക്കുന്ന ചൊക്ലി ജനമൈത്രി സബ് ഇന്‍സ്‌പെക്ടര്‍ പി. പ്രേംദാസിന് ചൊക്ലി ഗ്രാമപഞ്ചായത്തിന്റെ നേതൃത്വത്തില്‍ യാത്രയയപ്പു നല്‍കി. ചൊക്ലി പഞ്ചായത്ത് ഇ.കെ നായനാര്‍ സ്മാരക ഹാളില്‍ നടന്ന യാത്രയയപ്പ് സമ്മേളനം ഡോ. രാമചന്ദ്രന്‍ എം.എല്‍.എ ഉദ്ഘാടനം ചെയ്തു. പഞ്ചായത്ത് പ്രസിഡന്റ് വി.കെ രാഗേഷ് അധ്യക്ഷനായി. തലശ്ശേരി ജോയിന്റ് ആര്‍.ടി.ഒ രാധകൃഷ്ണന്‍ മുഖ്യപ്രഭാഷണം നടത്തി. എസ്.ഐ പ്രേംദാസിനുള്ള ചൊക്ലി പഞ്ചായത്തിന്റെ ഉപഹാരം വി. രാമചന്ദ്രന്‍ എം.എല്‍.എയും വ്യാപാരി വ്യവസായ സമിതിയുടെ ഉപഹാരം പാനൂര്‍ ഏരിയാ സെക്രട്ടറി പി. ഭാസ്‌ക്കരനും ചൊക്ലി ചാരിറ്റബിള്‍ സൊസൈറ്റിയുടെ ഉപഹാരം ട്രഷറര്‍ എ.കെ ഖാലിദും നല്‍കി. ഒരപകടവും സംഭവിക്കാതെ നാല്‍പത് വര്‍ഷം ഓട്ടോ ഓടിച്ചു സംസ്ഥാന മോട്ടോര്‍ വെഹിക്കിള്‍ ഡിപ്പാര്‍ട്ട്‌മെന്റ് നല്‍കുന്ന അവാര്‍ഡു കരസ്ഥമാക്കിയ ഓട്ടോ ഡ്രൈവര്‍ മേനപ്രത്ത് കെ.ടി കുഞ്ഞനന്തനെ ചടങ്ങില്‍ ആദരിച്ചു.