തിരൂരങ്ങാടി : മുപ്പത് വര്‍ഷത്തെ ഔദ്യോഗിക ജീവിതത്തിന് ശേഷം വിരമിക്കുന്ന തിരൂരങ്ങാടി തഹസീല്‍ദാര്‍ ടി. ഗോപാലകൃഷ്ണന് തിരൂരങ്ങാടി താലൂക്ക് വികസന സമിതി യാത്രയപ്പ് നല്‍കി. ചടങ്ങ് തിരൂരങ്ങാടി ബ്ലോക്ക് പഞ്ചായത്ത് പ്രസിഡന്റ് കെ. കലാം മാസ്റ്റര്‍ ഉദ്ഘാടനം ചെയ്തു. നഗരസഭ വൈസ് ചെയര്‍മാന്‍ എം. അബ്ദുറഹ്മാന്‍ കുട്ടി അധ്യക്ഷനായി. വികസന സമിതിയുടെ ഉപഹാരം കലാം മാസ്റ്റര്‍ തഹസീല്‍ദാര്‍ക്ക് സമ്മാനിച്ചു. ചടങ്ങില്‍ വിവിധ രാഷ്ട്രീയ പാര്‍ട്ടി പ്രതിനിധികളായ കെ.പി.കെ തങ്ങള്‍, കൃഷ്ണന്‍ മാസ്റ്റര്‍, കെ.കെ നഹ, എം മുഹമ്മദ് കുട്ടി മുന്‍ഷി, വി. കുഞ്ഞാമു, ഇ സൈതലവി, പി. ജഗന്നിവാസന്‍, കെ. വിശ്വനാഥന്‍, കെ.വി ഗോപി, ബാല ഗംഗാധരന്‍, ഡോ. ഷാജഹാന്‍, റഹീം റാവുത്തര്‍ സംസാരിച്ചു.