പത്തനംതിട്ട: ശബരിമലയില്‍ ദര്‍ശനത്തിനെത്തിയ ആന്ധ്ര സ്വദേശിയായ യുവതികള്‍ക്കു നേരെ പ്രതിഷേധം. മരക്കൂട്ടം വരെയെത്തിയ ഇവരെ പ്രതിഷേധത്തെ തുടര്‍ന്ന് പൊലിസ് തിരിച്ചിറക്കി.

പൊലിസിനെ അറിയിക്കാതെയാണ് ഇവര്‍ പമ്പയില്‍ നിന്ന് സന്നിധാനത്തേക്ക് പോയത്. എന്നാല്‍ മരക്കൂട്ടത്ത് വെച്ച് ഭക്തര്‍ ഇവരെ തടയുകയായിരുന്നു. കാഴ്ച്ചയില്‍ ഇരുവര്‍ക്കും 50 വയസില്‍ താഴെയാണ് പ്രായം. ഇവരെ ഇപ്പോള്‍ പമ്പ പൊലിസ് സ്‌റ്റേഷനില്‍ എത്തിച്ചിരിക്കുകയാണ്.