നാറാത്ത്: നാറാത്ത് സ്റ്റെപ്പ് റോഡില്‍ മദ്യശാല തുടങ്ങാനുള്ള സര്‍ക്കാര്‍ നീക്കത്തിനെതിരേ നടത്തി വരുന്ന ജനകീയ സമരത്തിന് പിന്തുണ പ്രഖ്യാപിച്ച് കൊണ്ട് എസ്.കെ.എസ്.എസ്.എഫ് കമ്പില്‍ മേഖലാ കമ്മിറ്റി ഐക്യദാര്‍ഢ്യ റാലി നടത്തി. 

നാറാത്ത് ആലിങ്കീഴില്‍ നിന്ന് ആരംഭിച്ച റാലി സ്റ്റെപ്പ് റോഡില്‍ സമാപിച്ചു. മുസ്‌ലിം ലീഗ് കണ്ണൂര്‍ ജില്ലാ ട്രഷറര്‍ വി.പി വമ്പന്‍ ഉദ്ഘാടനം ചെയ്തു. യു.ഡി.എഫ് അഴീക്കോട് മണ്ഡലം ചെയര്‍മാന്‍ കെ.വി.ഹാരിസ് അധ്യക്ഷനായി.
എസ്.കെ.എസ്.എഫ് കണ്ണൂര്‍ ജില്ലാ പ്രസിഡണ്ട് ബഷീര്‍ അസ്അദി നമ്പ്രം മുഖ്യ പ്രഭാഷണം നടത്തി.
അഡ്വ: ഗോപാല കൃഷ്ണന്‍, എസ്.കെ.എസ്.എഫ് കമ്പില്‍ മേഖലാ പ്രസിഡന്റ് പി.കെ റഹ്മത്തുള്ള, ജനറല്‍ സെക്രട്ടറി സുബൈര്‍ ദാരിമി, ഹംസ അശ്രഫി, വി.വി അബ്ദുള്ള മാസ്റ്റര്‍, സി.എം മുഹമ്മദ് കുഞ്ഞി എന്നിവര്‍ സംസാരിച്ചു.