കൊടകര: പേരാമ്പ്ര മാതള സിറ്റിയില്‍ ജേക്കബിന്റെ മകന്‍ നിജോയുടെ വീട്ടിലാണ് മോഷണം നടന്നത്. വീടിന്റെ വാതില്‍ പൂട്ട് പൊളിച്ചു അകത്തു കടന്നു കിടപ്പുമുറിയിലെ അലമാരയുടെ പൂട്ടും തകര്‍ത്താണ് മോഷണം നടന്നത്. അലമാരയില്‍ സൂക്ഷിച്ചിരുന്ന 10,000 രൂപയും നാലര പവന്റെ ആഭരണങ്ങളൂം നഷ്ടമായി.
അയര്‍ലണ്ടില്‍ ജോലി ചെയ്യുന്ന നിജോവിന്റെ ഭാര്യയും അമ്മയും അച്ഛനും ആണ് ഈ വീട്ടില്‍ താമസം. നിജോവിന്റെ ഭാര്യ ശനിയാഴ്ച പേരാമ്പ്രയില്‍ തന്നെയുള്ള അവരുടെ വീട്ടില്‍ പോയിരുന്നു. അച്ഛനും അമ്മയും കുടുംബ സമ്മേളനവുമായി ബന്ധപ്പെട്ട് തൊട്ടടുത്തു തന്നെയുള്ള അവരുടെ വീട്ടിലും ആയിരുന്നു. ഞായറാഴ്ച രാവിലെ ഒന്‍പതു മണിയോടെ തിരിച്ചെത്തിയപ്പോഴാണ് മോഷണം അറിഞ്ഞത്. പൊലിസ് നടപടികള്‍ സ്വീകരിച്ചു.