ലണ്ടന്‍: ഇംഗ്ലണ്ടിനെതിരായ മൂന്നാം ക്രിക്കറ്റ് ടെസ്റ്റില്‍ ദക്ഷിണാഫ്രിക്കക്ക് കൂറ്റന്‍ വിജയ ലക്ഷ്യം. ആദ്യ ഇന്നിങ്‌സില്‍ ഇംഗ്ലണ്ട് 353ഉം രണ്ടാമിന്നിങ്‌സില്‍ എട്ടിന് 313ഉം റണ്‍സെടുത്ത് ഡിക്ലയര്‍ ചെയ്തിരുന്നു. ദക്ഷിണാഫ്രിക്കയുടെ ഒന്നാം ഇന്നിങ്‌സ് 175 റണ്‍സില്‍ അവസാനിച്ചു. 492 റണ്‍സ് വിജയ ലക്ഷ്യത്തിലേക്ക് ബാറ്റ് വീശുന്ന ദക്ഷിണാഫ്രിക്ക നാലാം ദിനം ഒടുവില്‍ വിവരം കിട്ടുമ്പോള്‍ നാല് വിക്കറ്റ് നഷ്ടത്തില്‍ 84 റണ്‍സെന്ന നിലയില്‍ പതറുന്നു. ആറ് വിക്കറ്റുകള്‍ മാത്രം കൈയിലിരിക്കേ അവര്‍ക്ക് ഇനി 408 റണ്‍സ് കൂടി വേണം.