കളമശേരി:  ഇന്ദിരാഗാന്ധി ജന്മശതാബ്ദി ആഘോഷത്തോടനുബന്ധിച്ച് കളമശേരി നഗരസഭയില്‍ വിവിധയിടങ്ങളില്‍ കുടുംബ സംഗമങ്ങള്‍ നടത്തി. കങ്ങരപ്പടി, മൂലേപ്പാടം, വട്ടേക്കുന്നം എന്നിവിടങ്ങളിലാണ് വിവിധ വാര്‍ഡുകളിലെ സംഗമങ്ങള്‍ സംഘടിപ്പിച്ചത്. പരിപാടികളില്‍ മുതിര്‍ന്ന കോണ്‍ഗ്രസ് പ്രവര്‍ത്തകരെ ആദരിക്കുകയും പത്താം ക്ലാസ് പ്ലസ് റ്റു പരീക്ഷകളില്‍ ഉന്നത വിജയം നേടിയ വിദ്യാര്‍ത്ഥികളെ അനുമോദിക്കുകയും ചെയ്തു.
നഗരസഭ 14,16,17,18,19 വാര്‍ഡുകള്‍ സംയുക്തമായി കങ്ങരപ്പടിയില്‍ സംഘടിപ്പിച്ച കുടുംബ സംഗമം മുന്‍ എം.എല്‍.എ ബെന്നി ബെഹന്നാന്‍ ഉദ്ഘാടനം ചെയ്തു. എസ്.എന്‍.യു.പി.എസ് ഹാളില്‍ നടത്തിയ പരിപാടിയില്‍ കോണ്‍ഗ്രസ് ബ്ലോക്ക് ജനറല്‍ സെക്രട്ടറി എന്‍.ആര്‍.ചന്ദ്രന്‍ അധ്യക്ഷനായി. കെ പി പി സി അംഗം ജമാല്‍ മണക്കാടന്‍, നഗരസഭ ചെയര്‍പേഴ്‌സണ്‍ ജെസി പീറ്റര്‍, ബ്ലോക്ക് പ്രസിഡന്റ് പി.എം.ബീരാക്കുട്ടി, എം.വി. രതീഷ്, എ.കെ.ബഷീര്‍, കെ.കെ.അബൂബക്കര്‍, പി.വി.രാജു, അഷ്‌കര്‍ പനയപ്പിള്ളി, കെ.കെ.ജിന്‍സന്‍, ദിനില്‍ രാജ് തുടങ്ങിയവര്‍ പങ്കെടുത്തു.
വട്ടേക്കുന്നം 41ാം വാര്‍ഡില്‍ സംഘടിപ്പിച്ച കുടുംബ സംഗമം എല്‍ദോസ് കുന്നപ്പിളളി എം. എല്‍. എ. ഉദ്ഘാടനം ചെയ്തു. വട്ടേക്കുന്നം റോട്ടറി അങ്കണത്തില്‍ സംഘടിപ്പിച്ച പരിപാടിയില്‍ വാര്‍ഡ് പ്രസിഡന്റ് ഷംസു തലക്കോട്ടില്‍ അധ്യക്ഷനായി.
കെ.പി.സി.സി സെക്രട്ടറി ബി.എ.അബ്ദുള്‍ മുത്തലിബ്, ജെസി പീറ്റര്‍, പി.എം.ബീരാക്കുട്ടി, എ.കെ.ബഷീര്‍, എം.എം.അലിക്കുഞ്ഞ്, ടി.എ.അബ്ദുള്‍ സലാം, സിജി മോള്‍, പി.എ.നൗഷാദ് , എം.എ.വഹാബ് തുടങ്ങിയവര്‍ പങ്കെടുത്തു. പരിപാടിയോടനുബന്ധിച്ച് വട്ടേക്കുന്നത്ത് റാലിയും സംഘടിപ്പിച്ചിരുന്നു.
മൂലേപ്പാടം 6, 23 വാര്‍ഡുകള്‍ സംയുക്തമായാണ് പരിപാടി സംഘടിപ്പിച്ചത്. ബെന്നി ബെഹന്നാനാണ് സംഗമം ഉദ്ഘാടനം ചെയ്തത്. കെ.കെ. അബ്ദുള്‍ അസീസ് അധ്യക്ഷനായി. ബി.എ.അബ്ദുള്‍ മുത്തലിബ്, പി.എം.ബീരാക്കുട്ടി, ജെസി പീറ്റര്‍, കെ.കെ.ഇബ്രാഹിം കുട്ടി, എ.കെ.ബഷീര്‍, ഷരീഫ് മരക്കാര്‍, ടി.കെ.കുട്ടി, എ.കെ. നിഷാദ്, എം.സി. ബാബു, കെ.കെ.ഹസൈനാര്‍, എ.പി.ഇബ്രാഹിം, കെ.എം. അനസ് തുടങ്ങിയവര്‍ പങ്കെടുത്തു.