കോഴിക്കോട്: എസ്.കെ.എസ്.എസ്.എഫിന്റെ ആഭിമുഖ്യത്തില്‍ സംസ്ഥാനത്തെ 170 കേന്ദ്രങ്ങളില്‍ ഫ്രീഡം സ്‌ക്വയര്‍ സംഘടിപ്പിക്കും.
രാജ്യത്തിന്റെ ജനാധിപത്യ സംവിധാനം ശക്തിപ്പെടുത്താനും സാമുദായിക സൗഹാര്‍ദത്തിന് വിള്ളലുണ്ടാക്കുന്ന മതേതര ശക്തികളെ ചെറുത്തുനില്‍ക്കാനും പുതുതലമുറക്ക് പ്രചോദനം നല്‍കുകയുമാണ് ഫ്രീഡം സ്‌ക്വയര്‍ ലക്ഷ്യമാക്കുന്നത്.

ഓഗസ്റ്റ് 15ന് മേഖലാ കേന്ദ്രങ്ങളില്‍ സ്വാതന്ത്ര്യദിന സന്ദേശ പ്രഭാഷണവും പ്രതിജ്ഞയും നടക്കും. പരിപാടി വന്‍വിജയമാക്കുന്നതിന്ന് വേണ്ടി ജില്ലാ, മേഖലാതലങ്ങളില്‍ വന്‍ ഒരുക്കങ്ങളാണ് നടന്നുവരുന്നത്.

വിവിധ കേന്ദ്രങ്ങളിലേക്ക് നിശ്ചയിക്കപ്പെട്ട പ്രഭാഷകര്‍ക്കുള്ള സംസ്ഥാനതല ശില്‍പശാല നടന്നുകഴിഞ്ഞു. ഫ്രീഡം സ്‌ക്വയര്‍ വിജയിപ്പിക്കുന്നതിന് സാമൂഹ്യമാധ്യമങ്ങളിലും ശക്തമായ പ്രചാരണം നടന്നുവരുന്നുണ്ട്.