പെരുവയല്‍ : ഗ്രാമപഞ്ചായത്ത് കേരളോത്സവം ഓഗസ്റ്റ് 19 മുതല്‍ സെപ്തംബര്‍ 17 വരെ സംഘടിപ്പിക്കാന്‍ തീരുമാനിച്ചു. ക്ലബ്ബുകളുടെ അടിസ്ഥാനത്തിലാണ് മത്സരം സംഘടിപ്പിക്കുക.
എന്നാല്‍ വ്യക്തികള്‍ക്ക് നേരിട്ടും പങ്കെടുക്കാവുന്നതാണ്. ഗെയിംസ് മത്സരങ്ങളില്‍ പങ്കെടുക്കുന്നവരുടെ പേര് വിവരം ഓഗസ്റ്റ് 10നും അത്‌ലറ്റിക്‌സ് 31നും കലാ-സാഹിത്യ ഇനങ്ങളുടെത് സെപ്തംബര്‍ 8നും മുമ്പായി ഗ്രാമപഞ്ചായത്ത് ഓഫീസില്‍ സമര്‍പ്പിക്കണം.
ഫുട്‌ബോള്‍ ഓഗസ്റ്റ് 19,20 തിയ്യതികളില്‍ പെരുവയല്‍ സെന്റ് സേവ്യേഴ്‌സ് സ്‌കൂള്‍ ഗ്രൗണ്ട്, കബഡി 25നും കമ്പവലി 26നും പുവ്വാട്ടുപറമ്പ് മിനിസ്റ്റേഡിയം, നീന്തല്‍ 26ന് പെരുവയല്‍ കുളം, മെഹന്തി, പുഷ്പാലങ്കാരം 27ന് ഗ്രാമപഞ്ചായത്ത് ഹാള്‍, ചെസ്സ് സെപ്തംബര്‍ 6ന് ഗ്രാമപഞ്ചായത്ത് ഹാള്‍, ഷട്ടില്‍ 8,9 തോട്ട്മുക്ക് റോയല്‍ ബാഡ്മിന്റണ്‍ സ്റ്റേഡിയം, വോളിബോള്‍ 9ന് വെള്ളിപറമ്പ്, അത്‌ലറ്റിക്‌സ് 10 ന് പെരുവയല്‍, രചന മത്സരങ്ങള്‍ 16ന് പുവ്വാട്ടുപറമ്പ്, കലാമത്സരങ്ങള്‍ 17ന് പെരിങ്ങൊളം എന്നിങ്ങനെ സംഘടിപ്പിക്കും.
സ്വാഗതസംഘം രൂപീകരണ യോഗത്തില്‍ പ്രസിഡന്റ് വൈ.വി.ശാന്ത അദ്ധ്യക്ഷയായി. വൈസ് പ്രസിഡന്റ് കുന്നുമ്മല്‍ ജുമൈല, സ്റ്റാന്റിങ് കമ്മിറ്റി ചെയര്‍മാന്‍മാരായ പി.കെ.ഷറഫുദ്ദീന്‍, സുബിത തോട്ടാഞ്ചേരി, സഫിയ മാക്കിനിയാട്ട് പ്രസംഗിച്ചു.