കോടഞ്ചേരി: സംസ്ഥാന സര്‍ക്കാറിന്റെ കൃഷി വ്യാപന പദ്ധതിയായ ഓണത്തിന് ഒരുമുറം പച്ചക്കറി പദ്ധതിയുടെ കോടഞ്ചേരി ഗ്രാമപഞ്ചായത്ത് തല പച്ചക്കറി വിത്ത് കിറ്റ് വിതരണോദ്ഘാടനം വേളംകോട് സെന്റ് ജോര്‍ജ് ഹൈസ്‌കൂളില്‍ കൃഷി ഓഫിസര്‍ ഷബീര്‍ അഹമ്മദ് നിര്‍വഹിച്ചു.
പ്രധാനധ്യാപിക സിസ്റ്റര്‍ മേരി കാഞ്ചന അധ്യക്ഷയായി. കാര്‍ഷിക ക്ലബ്ബ് കണ്‍വീനര്‍ സാബിന്‍സ് സ്വാഗതം പറഞ്ഞു. യോഗത്തില്‍ കൃഷി അസിസ്റ്റന്റ് മിഷേല്‍ ജോര്‍ജ് വിദ്യാര്‍ഥികള്‍ക്കുള്ള ഉപഹാര വിതരണം നിര്‍വഹിച്ചു.