കണ്ണൂര്‍: രണ്ടര കിലോ കഞ്ചാവുമായി യുവാവിനെ പൊലിസ് അറസ്റ്റുചെയ്തു. വാരംകടവ് ചവിട്ടടിപ്പാറയിലെ കല്ലറപുരയില്‍ കെ.പി ഹിലാലിനെ(30)യാണ് ഷാഡോ പൊലിസ് പിടികൂടിയത്. ജില്ലയില്‍ കഞ്ചാവ് എത്തിക്കുന്ന സംഘത്തിലെ പ്രധാന കണ്ണിയാണ് ഇയാളെന്നു സംശയിക്കുന്നതായി പൊലിസ് പറഞ്ഞു. ഇയാളുടെ കീഴില്‍ നിരവധി ഏജന്റുമാര്‍ പ്രവര്‍ത്തിക്കുന്നതായും അന്വേഷണസംഘം വ്യക്തമാക്കി. ഒരാഴ്ച മുമ്പ് കണ്ണൂര്‍ മുന്‍സിപ്പല്‍ ബസ്റ്റാന്‍ഡില്‍ നാലുകിലോ കഞ്ചാവുമായി കൊളച്ചേരിപറമ്പ് നാലുസെന്റ് കോളനിയിലെ വിഷ്ണുവിനെ പൊലിസ് പിടികൂടിയിരുന്നു. ഇയാളെ ചോദ്യംചെയ്തപ്പോഴാണു ഹിലാലിനെക്കുറിച്ച് വിവരം ലഭിച്ചത്. സി.ഐ ടി.കെ രത്‌നകുമാര്‍, എസ്.ഐ ഷാജി പട്ടേരി, സി.പി.ഒ അജിത്, മഹേഷ്, മിഥുന്‍, സുഭാഷ് എന്നിവരുടെ നേതൃത്വത്തിലുള്ള സംഘമാണു പ്രതിയെ പിടികൂടിയത്. ഇയാളെ വടകര നര്‍കോട്ടിക് കോടതി റിമാന്‍ഡ് ചെയ്തു.