ഉരുവച്ചാല്‍: മട്ടന്നൂര്‍ നഗരസഭയില്‍ എല്‍.ഡി.എഫിന് കഴിഞ്ഞ തെരഞ്ഞെടുപ്പിനേക്കാള്‍ സീറ്റും വോട്ടും കൂടുതല്‍ ലഭിക്കുമെന്നു മന്ത്രി കടന്നപ്പള്ളി രാമചന്ദ്രന്‍. എല്‍.ഡി.എഫ് ഉരുവച്ചാല്‍ വാര്‍ഡ് തെരഞ്ഞെടുപ്പ് റാലി ഉദ്ഘാടനം ചെയ്യുകയായിരുന്നു അദ്ദേഹം. 

കോണ്‍ഗ്രസിന്റെയും ബി.ജെ.പിയുടേയും ജനദ്രോഹ നടപടികളില്‍ വലഞ്ഞ ജനങ്ങള്‍ക്ക് ഇടതുപക്ഷം മാത്രമാണ് ആശ്രയം. ബി.ജെ.പിയുടെ കേന്ദ്ര ഭരണത്തില്‍ എല്ലാ നിലയിലും ജനം പ്രയാസപ്പെടുകയാണ്.
ഇപ്പോള്‍ പാചക വാതകത്തിന്റെ സബ്‌സിഡി എടുത്തു കളയാനാണ് മോദി സര്‍ക്കാര്‍ തീരുമാനിച്ചത്. ദുരിതം വിതയ്ക്കുന്നവര്‍ക്കെതിരേ ജനം വോട്ടുചെയ്യുമെന്നും കടന്നപ്പള്ളി പറഞ്ഞു.
എ.കെ ബീന അധ്യക്ഷയായി. ഒ.കെ വാസു, കെ.ടി ജോസ്, ഹമീദ് ഇരിണാവ്, പി. സുരേഷ് ബാബു, വി. മോഹനന്‍, സ്ഥാനാര്‍ഥി എം. മിനി സംസാരിച്ചു.