കാഞ്ഞിരപ്പള്ളി: മദ്യലഹരിയില്‍ പിതാവിനെയും പിതൃസഹോദരിയേയും വെട്ടിപ്പരുക്കേല്‍പ്പിച്ച കേസില്‍ യുവാവ് പിടിയില്‍ . പുഞ്ചവയല്‍ കപ്പിലാംമൂട് തേഴത്തുമാക്കല്‍ ജോമോനെ(28) യാണ് മുണ്ടക്കയം പൊലിസ് അറസ്റ്റു ചെയ്തു. ഞായറാഴ്ച രാത്രി ഒമ്പതിനാണ് സംഭവം പുഞ്ചവയല്‍ കപ്പിലാംമൂട് ആനിക്കുന്ന് തേഴത്തുമാക്കല്‍ വര്‍ഗീസ് (കുട്ടപ്പന്‍-60), സഹോദരി മേരി(63) എന്നിവര്‍ക്കാണ് ആക്രമണത്തില്‍ ഗുരുതരമായി പരുക്കേറ്റത്. പിതാവും മകനും വീട്ടിനുള്ളില്‍ ഒരുമിച്ച് മദ്യപിക്കുക പതിവായിരുന്നു. ഞായറാഴ്ച രാത്രി കുടുംബവഴക്കിനെ തുടര്‍ന്ന് മകന്‍ ജോമോന്‍ (28) ഇരുവരെയും വാക്കത്തി ഉപയോഗിച്ച് വെട്ടുകയായിരുന്നു. കൂടാതെ ഉലക്കയും തടിയുമപയോഗിച്ചും ഇരുവരെയും അടിക്കുകയും ചെയ്തു. മദ്യലഹരിയില്‍ എത്തുന്ന ജോമോന്‍ വീട്ടില്‍ ബഹളം ഉണ്ടാക്കുന്നത് പതിവായതിനാല്‍ അയല്‍ക്കാര്‍ ബഹളം അവഗണിക്കുകയായിരുന്നു. വിവരം അറിഞ്ഞെത്തിയ ഗ്രാമപഞ്ചായത്ത് അംഗം മറിയാമ്മയാണ് പരുക്കേറ്റവരെ ആശുപത്രിയിലെത്തിച്ചത്. വര്‍ഗീസ്സിനെ കാഞ്ഞിരപ്പള്ളി താലൂക്ക് ആശൂപത്രിയിലും മേരിയെ കോട്ടയം മെഡിക്കല്‍ കോളജ് ആശുപത്രിയിലും പ്രവേശിപ്പിച്ചു.പ്രതിയെ കോടതിയില്‍ ഹാജരാക്കി.