പുതിയതെരു: അനധികൃതമായി മണല്‍ കടത്തുകയായിരുന്ന രണ്ട് പേരെ വളപട്ടണം എസ്.ഐ ശ്രീജിത്ത് കൊടേരിയും സംഘവും പിടികൂടി. കാട്ടാമ്പള്ളി സ്വദേശിയായ കെ.പി ഷാക്കിര്‍ (32), വളപട്ടണം സ്വദേശി കെ. മുഹമ്മദ് ഫഹദ് (20) എന്നിവരെയാണ് കാട്ടാമ്പള്ളിയില്‍ നിന്ന് ഒമ്‌നി വാനില്‍ മണല്‍ കടത്തവെ പിടികൂടിയത്. 

പിടിയിലായ രണ്ട് പേരും കഴിഞ്ഞയാഴ്ച പൊലിസ് പിടിച്ചെടുത്ത മണല്‍ കടത്തിയ രണ്ട് ലോറികളിലെ ഡ്രൈവര്‍മാരാണ്.
ഇവരെ കോടതിയില്‍ ഹാജരാക്കി റിമാന്‍ഡ് ചെയ്തു.
കഴിഞ്ഞ ദിവസം മണല്‍ കടത്തവെ അരോളി പാറക്കലില്‍ നിന്ന് വളപട്ടണം എ.എസ്.ഐ സന്തോഷും സംഘവും പിടിച്ചെടുത്ത ആളില്ലാത്ത രണ്ട് തോണികള്‍ ഇന്നലെ പൊലിസിന്റെ നേതൃത്വത്തില്‍ നശിപ്പിച്ചു.