പരപ്പനങ്ങാടി: ചെട്ടിപ്പടിയിലെ ജി.എല്‍.പി സ്‌കൂളില്‍ സാമൂഹ്യ വിരുദ്ധരുടെ വിളയാട്ടം. രാത്രികാലങ്ങളില്‍ സ്‌കൂളിനുള്ളില്‍ അതിക്രമിച്ച് കയറുന്ന അക്രമിസംഘം സ്‌കൂളിന്റെ വസ്തുക്കള്‍ നശിപ്പിക്കുന്നതും ക്ലാസ് മുറികളില്‍ മലമൂത്ര വിസര്‍ജനം നടത്തുന്നതും പതിവാണ്.
ഇന്നലെ സ്‌കൂള്‍ തുറക്കാനെത്തിയപ്പോഴാണ് സാമൂഹ്യവിരുദ്ധരുടെ പ്രവര്‍ത്തനങ്ങള്‍ ശ്രദ്ധയില്‍പ്പെട്ടത്. ബെഞ്ചുകളും ഡസ്‌ക്കുകളും മറിച്ചിട്ട നിലയിലാണ്.
പൈപ്പുകളും മറ്റും പൊട്ടിച്ചിട്ടുണ്ട്. ക്ലാസ് മുറികളില്‍ മൂത്രമൊഴിച്ച് വൃത്തിഹീനമാക്കിയിട്ടുണ്ട്.
സ്‌കൂളിനെ സാമൂഹ്യവിരുദ്ധരില്‍ നിന്ന് രക്ഷിക്കാല്‍ കര്‍ശനനടപടി സ്വീകരിക്കണമെന്നാണ് ജനങ്ങളുടെ ആവശ്യം.