കോങ്ങാട്: ശാസ്ത്രീയമായ പ്രകൃതിജീവനം പഠിക്കാനും പരിശീലിക്കാനും അവസരമൊരുക്കി ഏകദിന പ്രകൃതിജീവന പരിശീലന ക്യാംപ് ഓഗസ്റ്റ് ആറിന് കോങ്ങാട് ജി.യു.പി സ്‌കൂളില്‍ നടക്കും.
രോഗഭയവും ചികിത്സാ ചിലവുകളുമില്ലാതെ ജീവിക്കുന്നതിന്റെ കലയാണ് പഠന ക്യാംപില്‍ ചര്‍ച്ച ചെയ്യുന്നതെന്ന് സംഘാടകര്‍ പറഞ്ഞു.
കോങ്ങാട് സ്പര്‍ശം ഇന്‍സ്റ്റിറ്റ്യൂട്ടിന്റെ സഹകരണത്തോടെ ബെറ്റര്‍ ലൈഫ് സൊസൈറ്റിയാണ് ക്ലാസ് സംഘടിപ്പിക്കുന്നത്. നാച്ചുറല്‍ ഹൈജീനില്‍ ഗവേഷണങ്ങള്‍ നടത്തുന്ന സനൂപ് നരേന്ദ്രന്‍ ക്ലാസുകള്‍ക്ക് നേതൃത്വം നല്‍കും. രക്ഷിതാക്കളെയും പൊതുജനത്തെയും ഉദ്ദേശിച്ച് നടത്തപ്പെടുന്ന പ്രകൃതിജീവന ക്ലാസില്‍ പങ്കെടുക്കാന്‍ 9633337474 എന്ന നമ്പരില്‍ ബന്ധപ്പെടണമെന്ന് സംഘാടകര്‍ അറിയിച്ചു.