കൊല്ലങ്കോട് : തട്ടിക്കൊണ്ടുപോകല്‍ ശ്രമം നാല് യുവാക്കള്‍ അറസ്റ്റില്‍.ട്യൂഷന്‍ ക്ലാസിലേക്ക് പോവുന്നതിനായി നടക്കുന്നതിനിടെ വിദ്യാര്‍ഥിനിയെ കാറില്‍ പിടിച്ചു കയറ്റാന്‍ ശ്രമിച്ച സംഭവത്തില്‍ തിരുവനന്തപുരം സ്വദേശികളായ വള്ളക്കടവില്‍ സെബിന്‍ (22) , നെടുമങ്ങാട്ടെ ജിഷ്ണു (25) , വട്ടിയൂര്‍ക്കാവില്‍ ശരണം (21) , കരകുളത്ത് ഷൈന്‍ (36) എന്നിവരാണ് കൊല്ലങ്കോട് പൊലിസ് തമിഴ്‌നാട്ടില്‍ വെച്ച് അറസ്റ്റ് ചെയ്തത്. .വിദ്യാര്‍ഥിനി നല്‍കിയ മൊഴിയുടെ അടിസ്ഥാനത്തില്‍ കൊല്ലങ്കോട് ടൗണിലെ സിസിടിവി ദൃശ്യങ്ങള്‍ പൊലിസ്പരിശോധിച്ച് കാര്‍ തിരിച്ചറിഞ്ഞിരുന്നു. വാഹന ഉടമയെ സംബന്ധിച്ച വിവരങ്ങള്‍ ശേഖരിച്ച പൊലിസ്‌സര്‍ക്കിള്‍ ഇന്‍സ്‌പെക്ടര്‍ ബെന്നിയുടെ നേതൃത്വത്തില്‍ പഴനിയിലേക്ക് എത്തിയ പ്രതികളെ അറസ്റ്റ് ചെയ്യുകയാണുണ്ടായത്. പിടിയിലായവര്‍ നൃത്തരംഗത്ത് ജോലിചെയ്യുന്നവരാണെന്ന് പൊലിസ് പറഞ്ഞു.