എടക്കര: മൂത്തേടം ഗവ.ഹയര്‍ സെക്കന്‍ഡറി സ്‌കൂളിന് ജില്ലാ പഞ്ചായത്ത് അനുവദിച്ച കംപ്യൂട്ടറുകളുടേയും ഫര്‍ണിച്ചറുകളുടെയും വിതരണോദ്ഘാടനം ജില്ലാ പഞ്ചായത്ത് അംഗം സെറീന മുഹമ്മദലി നിര്‍വഹിച്ചു. എസ്.എസ്.എല്‍.സി പരീക്ഷയില്‍ ഉന്നത വിജയം നേടിയവരേയും അയ്യങ്കാളി ടാലന്റ് സ്‌കോളര്‍ഷിപ്പ് പരീക്ഷയില്‍ ഒന്നാം റാങ്ക് നേടിയ കുട്ടിയേയും ചടങ്ങില്‍ ആദരിച്ചു. സ്‌കൂളിന് പുതിയതായി അനുവദിച്ച സ്‌കൗട്ട്, ആന്‍ഡ് ഗൈഡ് യൂനിറ്റിന്റെ ഉദ്ഘാടനം മൂത്തേടം പഞ്ചായത്ത് വിദ്യാഭ്യാസ സ്ഥിരംസമിതി ചെയര്‍പേഴ്‌സണ്‍ സുബൈദ കൊരമ്പയില്‍ നിര്‍വഹിച്ചു. ഹെഡ്മിട്രസ് കെ.ഉഷ, പ്രിന്‍സിപ്പല്‍ എല്‍.വൈ സുജ, പി.ടി.എ പ്രസിഡന്റ് മുഹമ്മദ് കുട്ടി, റഷീദ് തങ്ങള്‍, പ്രേമന്‍, വി.എം ഫിലിപ്പ് സംസാരിച്ചു.