ദമാം: കിഴക്കന്‍ സഊദിയില്‍ സുരക്ഷാ സേനക്ക് നേരെ നടന്ന സ്‌ഫോടനത്തില്‍ ഒരു സുരക്ഷാ സേനാംഗം കൊല്ലപ്പെടുകയും ആറു അംഗങ്ങള്‍ക്ക് പരുക്കേല്‍ക്കുകയും ചെയ്തു. ദ
മാമിനു സമീപം ശീഈകള്‍ തിങ്ങി താമസിക്കുന്ന ഖതീഫില്‍ ഞായറാഴ്ച്ചയാണ് സംഭവം. ഇടയ്ക്കിടെ സുരക്ഷാ സേനക്ക് നേരെ ആക്രമണങ്ങള്‍ പതിവാകുന്ന ഇവിടെ അല്‍ മസൂറ ഗ്രാമത്തില്‍ പതിവ് പട്രോളിങ്ങില്‍ ഏര്‍പ്പെട്ട സുരക്ഷാ സേനക്ക് നേരെയാണ് ഞായറാഴ്ച്ച ആക്രമണം നടന്നതെന്നു സഊദി ആഭ്യന്തര മന്ത്രാലയത്തെ ഉദ്ധരിച്ചു സഊദി വാര്‍ത്താ ഏജന്‍സി റിപ്പോര്‍ട്ട് ചെയ്തു.
സഊദി ആഭ്യന്തര മന്ത്രാലയത്തിന് ഏറെ തലവേദന സൃഷ്ടിക്കുന്ന ഇവിടെ നടന്ന ആക്രമണത്തില്‍ മേജര്‍ മഹ്ദി ബിന്‍ സഈദ് ബിന്‍ ദാഫിര്‍ അല്‍ യാമി എന്ന സുരക്ഷാ ഉദ്യോഗസ്ഥനാണ് കൊല്ലപ്പെട്ടത്.