ലോസ് ആഞ്ചല്‍സ്: 2024 ഒളിംപിക്‌സിന് പാരിസ് വേദിയാകും. ആതിഥേയത്വത്തിനായി മത്സരരംഗത്തുണ്ടായിരുന്ന ലോസ് ആഞ്ചല്‍സ് ഉപാധികളോടെ പിന്‍മാറിയതിനെ തുടര്‍ന്നാണ് പാരിസിന് വേദി ലഭിക്കാന്‍ ഇടയാക്കിയത്. അതേസമയം പുതിയ ധാരണ പ്രകാരം 2028ലെ ഒളിംപിക്‌സിന് ലോസ് ആഞ്ചല്‍സ് വേദിയാകും.
നേരത്തെ രണ്ടു നഗരങ്ങളും വേദിക്കായി ഇഞ്ചോടിഞ്ച് പോരാട്ടത്തിലായിരുന്നു. എന്നാല്‍ കഴിഞ്ഞ ദിവസം ഇരുവരും ഇക്കാര്യത്തില്‍ ചര്‍ച്ച നടത്തി ധാരണാവുകയായിരുന്നു. സെപ്റ്റംബര്‍ 13ന് നടക്കുന്ന ചടങ്ങില്‍ അന്താരാഷ്ട്ര ഒളിംപിക് കമ്മിറ്റി വേദി ഔദ്യോഗികമായി പ്രഖ്യാപിക്കും. അതേസമയം 1924 ഒളിംപിക്‌സിന്റെ 100ാം വാര്‍ഷികത്തിലാണ് പാരിസ് വീണ്ടും ഒളിംപിക്‌സിന് ആതിഥേയരാവുന്നത്.
നേരത്തെ 5.3 മില്യണ്‍ ആതിഥേത്വത്തിനായി ലോസ് ആഞ്ചല്‍സ് ഒളിംപിക് സമിതിക്ക് നല്‍കിയിരുന്നു. ഇത് മൂന്നാം തവണയാണ് ലോസ് ആഞ്ചല്‍സ് ഒളിംപിക്‌സില്‍ ആതിഥേയരാവുന്നത്. 1932, 1984 വര്‍ഷങ്ങളിലായിരുന്നു നേരത്തെ ആതിഥേയത്വം വഹിച്ചിരുന്നത്.