പറവൂര്‍: അമിത വേഗത്തില്‍ പാഞ്ഞ സ്വകാര്യബസ് നിയന്ത്രണം വിട്ട് കടയില്‍ ഇടിച്ചു കയറി. കഴിഞ്ഞ ദിവസം രാവിലെ എട്ടരയോടെ ചേന്ദമംഗലം കവലയ്ക്കു സമീപം പ്രധാന റോഡിലായിരുന്നു അപകടം. 

പറവൂരില്‍ നിന്ന് അങ്കമാലിക്കു പോവുകയായിരുന്ന മയൂരി എന്ന ബസാണ് അപകടത്തില്‍പ്പെട്ടത്. അമിത വേഗതയിലെത്തിയ വാഹനം നിയന്ത്രണംവിട്ടതോടെ സെന്റ് ജെര്‍മ്മയിന്‍സ് പള്ളിയുടെ മതിലില്‍ ഇടിച്ചശേഷം മാളിയേക്കല്‍ പവര്‍ ഹൗസ് എന്ന കടയില്‍ ഇടിച്ചു കയറുകയായിരുന്നു. കടയുടെ പേരെഴുതിയ ബോര്‍ഡ്, മുന്‍വശത്തെ സീലിങ് എന്നിവ തകര്‍ന്നു.
കട തുറന്നിട്ടില്ലായിരുന്നതിനാല്‍ അകത്തേക്ക് കയറിയില്ല. പള്ളിയുടെ മതില്‍ ഭാഗികമായി തകര്‍ന്നിട്ടുണ്ട്. ബസില്‍ ഉണ്ടായിരുന്ന യാത്രക്കാരില്‍ ചിലര്‍ക്കു ചെറിയതോതില്‍ പരുക്കേറ്റിട്ടുണ്ട്.