കോഴിക്കോട്: ജനാധിപത്യത്തെ കളങ്കപ്പെടുത്തുന്ന പ്രവണതകള്‍ ഏറിവരുന്ന സാഹചര്യത്തില്‍ വരാനിരിക്കുന്ന ലോകസഭാ തെരഞ്ഞെടുപ്പില്‍ മതേതര കക്ഷികളുടെ കൂട്ടായ്മ അനിവാര്യമാണെന്ന് എം.കെ രാഘവന്‍ എം. പി പ്രസ്താവിച്ചു.
മുസ്‌ലിം ലീഗ് സൗത്ത് നിയോജക മണ്ഡലം കമ്മിറ്റിയുടെ ആഭിമുഖ്യത്തില്‍ പാളയം ജയന്തി ബില്‍ഡിങ്ങ് പരിസരത്ത് സംഘടിപ്പിച്ച മതേതര കൂട്ടായ്മ സംഗമം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. മണ്ഡലം പ്രസിഡന്റ് അഡ്വ. എസ്.വി ഉസ്്മാന്‍ കോയ അധ്യക്ഷനായി.
പ്രമുഖ പത്രപ്രവര്‍ത്തകന്‍ എം.കെ ദാമോദരന്‍, എന്‍.സി അബൂബക്കര്‍, കെ.മൊയ്തീന്‍കോയ, എം.ടി മൊയ്തീന്‍കോയ, ഹമീദ് കോട്ടുമ്മല്‍, മൊയ്തീന്‍ ബാബു, ഫൈസല്‍ പള്ളിക്കണ്ടി, പി.സക്കീര്‍, ഷിജിത്ത് ലാല്‍, മന്‍സൂര്‍ മാങ്കാവ്, ഹംസക്കോയ, ഫാത്തിമ അബൂബക്കര്‍, നസീദ, സി. അബ്ദുറഹിമാന്‍, അഡ്വ. വിദ്യാബാലകൃഷ്ണന്‍, ശ്രീകല, അഡ്വ.എ.വി അന്‍വര്‍, എം.എ നിസാര്‍ സംബന്ധിച്ചു.