ഗൂഡല്ലൂര്‍: സാമൂഹിക വിരുദ്ധര്‍ ഓട്ടോറിക്ഷക്ക് തീവെച്ചതായി പരാതി. ഊട്ടി മഞ്ഞനകൊര സ്വദേശി മധുവിന്റെ ഓട്ടോറിക്ഷക്കാണ് തീവെച്ചത്. വീട്ട് മുറ്റത്ത് നിര്‍ത്തിയിട്ടിരുന്ന ഓട്ടോക്ക് കഴിഞ്ഞ ദിവസം രാത്രിയിലാണ് അക്രമികള്‍ തീയിട്ടത്. ടയര്‍പൊട്ടുന്ന ശബ്ദംകേട്ട് പുറത്തിറങ്ങിയപ്പോഴാണ് ഓട്ടോറിക്ഷക്ക് തീപിടിച്ചത് കുടുംബം അറിഞ്ഞത്. ഊട്ടി പൊലിസില്‍ പരാതി നല്‍കിയിട്ടുണ്ട്. ഓട്ടോ മുഴുവനും തീകത്തി നശിച്ചു. അന്വേഷണം ഊര്‍ജിതപ്പെടുത്തിയതായി പൊലിസ് അറിയിച്ചു.