വണ്ടൂര്‍: ഓണത്തിന് അനധികൃത മദ്യവില്‍പന തടയാന്‍ കര്‍ശന പരിശോധനയുമായി എക്‌സൈസ് വകുപ്പ്. വണ്ടൂരില്‍ നടത്തിയ പരിശോധനയില്‍ രണ്ട് പേരെ പിടികൂടി. കാളികാവ് കല്ലന്‍കുന്നിലെ ചോളക്കേട്ടില്‍ സന്ദീപ്(27), വാണിയമ്പലം മരുതുങ്ങല്‍ തെക്കൂട്ട് സജീവ്(41) എന്നിവരെയാണ് പിടികൂടിയത്.
ബീവറേജസ് ഔട്ട്‌ലെറ്റില്‍ നിന്നും മദ്യം വാങ്ങി സൂക്ഷിച്ച് ആവശ്യക്കാര്‍ക്ക് നേരിട്ടെത്തിച്ചുനല്‍കുന്ന രീതിയായിരുന്നു ഇവരുടേത്. രഹസ്യവിവരത്തെ തുടര്‍ന്ന് നടത്തിയ പരിശോധനയിലാണ് ഇവര്‍ അറസ്റ്റിലായത്. ഓണം ലക്ഷ്യമാക്കി വന്‍ തോതില്‍ ലഹരി മാഫിയ സംഘം രംഗത്തുണ്ടെന്നുള്ള സൂചന എക്‌സൈസിനു ലഭിച്ചിട്ടുണ്ട്.
പരിശോധനകള്‍ക്ക് പ്രിവന്റ് ഓഫിസര്‍മാരായ സി ശ്രീകുമാര്‍, എന്‍ ശങ്കരനാരായണന്‍, സിവില്‍ എക്‌സൈസ് ഓഫിസര്‍മാരായ ആര്‍.പി സുരേഷ്ബാബു, പി.കെ പ്രശാന്ത്, പി അശോക്, സി.ടി ഹഷീക്ക്, എം സുലൈമാന്‍, എന്‍.പി ജയപ്രകാശ്, എ.കെ നിമിഷ, ഡ്രൈവര്‍ രാജീവ് നേതൃത്വം നല്‍കി.