കൂറ്റനാട്: സംസ്ഥാനം ഭരിക്കുന്ന സി.പി.എമ്മും കേന്ദ്രം ഭരിക്കുന്ന ബി.ജെ.പിയും ഇരട്ട സഹോദരങ്ങളാണന്ന് മുന്‍ എം.എല്‍.എയും കോണ്‍ഗ്രസ് നേതാവുമായ ബെന്നി ബഹനാന്‍ പറഞ്ഞു. ആക്രമത്തിന്റേയും അഴിമതിയുടെയും കാര്യത്തില്‍ അവര്‍ മത്സരിക്കുകയാണ്. വിലകയറ്റത്തില്‍ ജനം പൊറുതിമുട്ടുമ്പോള്‍ അതില്‍ നിന്ന് ശ്രദ്ധ തിരിച്ചുവിടാനാണ് ആക്രമണങ്ങള്‍ അഴിച്ചുവിടുന്നത്. വര്‍ഗീയ ശക്തികളെ തുരത്താന്‍ കോണ്‍ഗ്രസിന് മാത്രമെ കഴിയുവെന്നും അദ്ദേഹം അഭിപ്രായപ്പെട്ടു. പരുതൂര്‍ മംഗലം കുന്നില്‍ നടന്ന കുടുംബ സംഗമം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. പി. ഉണ്ണികൃഷ്ണന്‍ അധ്യക്ഷനായി. സി. ചന്ദ്രന്‍, സി.വി ബാലചന്ദ്രന്‍, വി.ടി ബല്‍റാം എം.എല്‍.എ, പി. ബാലന്‍, പി.എ വാഹിദ്, രാമദാസ്, എസ്. പ്രഭാകരന്‍, എന്‍.എം വാസുദേവന്‍, പി.ടി ഷംസുദ്ധീന്‍ സംസാരിച്ചു. ദാസ് പടിക്കല്‍ സ്വാഗതവും സി.പി. മനോജ് നന്ദിയും പറഞ്ഞു.