ശ്രീനഗര്‍: കശ്മീരിലെ ഷോപിയാനില്‍ ഭീകരരുമായുണ്ടായ ഏറ്റുമുട്ടലില്‍ രണ്ടു സൈനികര്‍ കൊല്ലപ്പെട്ടു. ഭീകരര്‍ക്കായുള്ള തിരച്ചില്‍ നടത്തുന്നതിനിടെയാണ് സൈനികര്‍ക്ക് വെടിയേറ്റത്. മറ്റൊരു സൈനികന് വെടിവെപ്പില്‍ പരുക്കേറ്റിട്ടുണ്ട്. ഇന്നു രാവിലെയാണ് ഭീകരരുമായി വെടിവയ്പ്പ് നടന്നത്.

നേരത്തെ, കശ്മീരിലെ കുല്‍ഗാമില്‍ സൈന്യവുമായുണ്ടായ ഏറ്റുമുട്ടലില്‍ രണ്ട് ആക്രമികള്‍ കൊല്ലപ്പെട്ടിരുന്നു. തെക്കന്‍ കശ്മീരിലെ ഷോപിയാന്‍ ജില്ലയിലെ ഇമാം സഹബില്‍ നടന്ന മറ്റൊരു ഏറ്റുമുട്ടലില്‍ മൂന്ന് ആക്രമികളെ സൈന്യം കീഴ്‌പ്പെടുത്തി. ഇവരുടെ ആക്രമണ പദ്ധതി സൈന്യം തകര്‍ക്കുകയായിരുന്നു.

കഴിഞ്ഞ ചൊവ്വാഴ്ച ലഷ്‌കറെ ത്വയ്ബയുടെ ചീഫ് കമാന്‍ഡര്‍ അബൂ ദുജാനയെ സൈനികര്‍ ഏറ്റുമുട്ടലിലൂടെ കൊലപ്പെടുത്തിയിരുന്നു. ഇതിനു ശേഷം പ്രദേശത്ത് ആക്രമണ സംഭവങ്ങള്‍ രൂക്ഷമാണ്.