കോഴിക്കോട്: കോഴിക്കോട് കൊയിലാണ്ടി നന്തിയില്‍ സ്വകാര്യ ബസ് ടോള്‍ ബൂത്തിലിടിച്ച് നിരവധി പേര്‍ക്ക് പരുക്ക്. തലശ്ശേരി-കോഴിക്കോട് റൂട്ടിലോടുന്ന അഭിനയ ബസാണ് നന്തി മേല്‍പ്പാലത്തിലെ ടോള്‍ബൂത്തില്‍ അപകടത്തില്‍പ്പെട്ടത്. ഇന്ന് രാവിലെ 7.50നാണ് അപകടം.

ബസിലുണ്ടായിരുന്ന വിദ്യാര്‍ഥികളും ഡ്രൈവറുമടക്കം പതിനഞ്ചോളം പേര്‍ക്ക് പരുക്കേറ്റിട്ടുണ്ട്. പരുക്കേറ്റവരെ സമീപത്തെ ആശുപത്രിയില്‍ പ്രവേശിപ്പിച്ചിരിക്കുകയാണ്. ഒരാളെ ഗുരുതര പരുക്കുകളോടെ കോഴിക്കോട് മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചിട്ടുണ്ട്.