കൊച്ചി: നടിയെ അക്രമിച്ച കേസുമായി ബന്ധപ്പെട്ട് പൊലിസ് നടന്‍ ദിലീപിന്റെ സഹോദരി സബിതയില്‍ നിന്ന് മൊഴിയെടുക്കും. സുനിയുടെ കത്ത് ലഭിച്ച ശേഷം അപ്പുണ്ണി സംസാരിച്ചത് സബിതയോടാണെന്നാണ് പൊലിസിന് ലഭിച്ച വിവരം. എന്നാല്‍ സബിതയുടെ ഫോണില്‍ സംസാരിച്ചത് ദിലീപ് ആണെന്ന നിഗമനത്തിലാണ്  പൊലിസ്. ഇക്കാര്യം സ്ഥിരീകരിക്കാനാണ് സബിതയുടെ മൊഴിയെടുക്കുന്നത്.

അതേസമയം, കേസില്‍ ജാമ്യം തേടി ദിലീപ് ഇന്ന് വീണ്ടും ഹൈക്കോടതിയെ സമീപിക്കും. അഡ്വ. രാം കുമാറിന് പകരം അഡ്വ. ബി രാമന്‍ പിള്ളയാണ് ഇന്ന് ദിലീപിനു വേണ്ടി ഹൈക്കോടതിയില്‍ ഹാജരാവുക.