ചവറ: നിയമസഭയിലേക്ക് തെരഞ്ഞെടുക്കപ്പെട്ട കേരള വഴിയോര വ്യാപാര അസോസിയേഷന്‍ സംസ്ഥാന പ്രസിഡന്റ് എന്‍.വിജയന്‍പിള്ള എം.എല്‍.എയ്ക്ക് അസോസിയേഷന്‍ കൊല്ലം ജില്ലാ കമ്മിറ്റിയുടെ നേതൃത്വത്തില്‍ സ്വീകരണം നല്‍കി. സ്വീകരണ സമ്മേളനം കവി ചവറ കെ.എസ്.പിള്ള ഉദ്ഘാടനം ചെയ്തു. സംസ്ഥാന വര്‍ക്കിങ് പ്രസിഡന്റ് മുനമ്പത്ത് ഷിഹാബ് മുഖ്യപ്രഭാഷണം നടത്തി. ജില്ലാ പ്രസിഡന്റ് വലിയത്ത് റഷീദ് അധ്യക്ഷനായി. ലത്തീഫ് പച്ചക്കുളം, മുഹമ്മദ് പൈലി എന്നിവരെ എം.എല്‍.എ സമ്മേളനത്തില്‍ വെച്ച് ഉപഹാരം നല്‍കി ആദരിച്ചു. ചികിത്സാ സഹായവിതരണം ചലച്ചിത്ര താരം സോണിയ മല്‍ഹര്‍ നിര്‍വ്വഹിച്ചു. വിദ്യാഭ്യാസ അവാര്‍ഡുകള്‍ വലിയത്ത് ഷിനോജ് വിതരണം ചെയ്തു.