കൊട്ടിയൂര്‍: യുവാവിന് വെടിയേറ്റ സംഭവുമായി ബന്ധപ്പെട്ട് നടത്തിയ പരിശോധനയില്‍ പാലുകാച്ചിയിലെ ആളൊഴിഞ്ഞപറമ്പില്‍ നിന്ന് തോക്കും തിരകളും കണ്ടെത്തി.
കശുമാവിന്‍തോട്ടത്തില്‍ ഒളിപ്പിച്ച നിലയിലായിരുന്നു തോക്കും തിരകളും. എസ്.ഐ അരുണ്‍ദാസിന്റെ നേതൃത്വത്തില്‍ നടത്തിയ തിരച്ചിലിലാണു തോക്ക് കണ്ടത്തിയത്. കഴിഞ്ഞ രണ്ടിനു പാലുകാച്ചി സ്വദേശിയായ ബിജുവിന് (40) കാലിനു വെടിയേറ്റിരുന്നു. നായാട്ടിനു പോയപ്പോള്‍ അബദ്ധത്തില്‍ വെടിയേറ്റതാണെന്നാണു പൊലിസിനു ലഭിച്ച വിവരം. ഇതിനിടെ പാലുകാച്ചിയിലെ നാരുവേലില്‍ തോമസ് ആത്മഹത്യചെയ്ത സംഭവവുമായി ബന്ധപ്പെട്ട് നടത്തിയ അന്വേഷണത്തില്‍ ഇരുവരും ചേര്‍ന്നാണു നായാട്ടിനു പോയതെന്നും ഇതിനിടെ അബദ്ധത്തില്‍ വെടിയേല്‍ക്കുകയുമാണുണ്ടായതെന്നും പൊലിസിനു വിവരം ലഭിച്ചു. തുടര്‍ന്ന് നടത്തിയ പരിശോധനയിലാണ് തോക്കും തിരകളും കണ്ടെത്തിയത്.