ആലുവ: എടത്തല സര്‍വ്വീസ് സഹകരണ ബാങ്കിന്റെ തേവക്കല്‍ സഹകരണ ഭവന്‍  മുന്‍ മന്ത്രി വി.കെ. ഇബ്രാഹിം കുഞ്ഞ് എം.എല്‍.എ ഉദ്ഘാടനം ചെയ്തു. അന്‍വര്‍ സാദത്ത് എം.എല്‍.എ ബ്രാഞ്ചിന്റെ ഉദ്ഘാടനം നിര്‍വ്വഹിച്ചു. എടത്തല സഹകരണ ബാങ്ക് പ്രസിഡന്റ് എം.കെ. അബു അദ്ധ്യക്ഷത വഹിച്ചു. ജില്ലാ പഞ്ചായത്ത് വൈസ് പ്രസിഡന്റ് അഡ്വ.ബി.എ. അബ്ദുള്‍ മുത്തലിബ് ആദ്യ നിക്ഷേപവും കളമശ്ശേരി നഗരസഭ ചെയര്‍പേഴ്‌സണ്‍ ജെ സി പീറ്റര്‍ ആദ്യവായ്പാ വിതരണവും നിര്‍വഹിച്ചു. വാഴക്കുളം ബ്ലോക്ക് പഞ്ചായത്ത് പ്രസിഡന്റ് മുംതാസ് അഷറഫ് ലോക്കര്‍ ഉദ്ഘാടനവും എടത്തല പഞ്ചായത്ത് പ്രസിഡന്റ് സാജിത അബ്ബാസ് അവാര്‍ഡു ദാനവും നടത്തി.