ശ്രീനഗര്‍: ജമ്മു കശ്മീരില്‍ അമര്‍നാഥ് തീര്‍ഥാടകര്‍ക്കുനേരെയുണ്ടായ ആക്രമണവുമായി ബന്ധപ്പെട്ട് മൂന്നു പേരെ പൊലിസ് അറസ്റ്റ് ചെയ്തു. സ്‌പെഷ്യല്‍ അന്വേഷണ സംഘമാണ്  (എസ്.ഐ.ടി) ഇവരെ പിടികൂടിയത്. ലഷ്‌കര്‍ ഭീകരരുമായി ബന്ധം പുലര്‍ത്തുന്നവരാണ് അറസ്റ്റിലായതെന്ന് പൊലിസ് പറഞ്ഞു.

ഇസ്മയില്‍, മവ്യയ, ഫുര്‍ഖാന്‍,യവാര്‍ എന്നിവരാണ് ഇന്ന് പിടിയിലായത്. ഇതോടെ ആക്രമണത്തില്‍ ലഷ്‌കറെ ത്വയ്ബക്ക് പങ്കുള്ളതായി തെളിഞ്ഞെന്ന് കശ്മീര്‍ പൊലിസ് മേധാവി മുനീര്‍ ഖാന്‍ പറഞ്ഞു.
കഴിഞ്ഞ മാസം 10നാണ് അമര്‍നാഥ് തീര്‍ഥാടകര്‍ സഞ്ചരിച്ചിരുന്ന ബസിനുനേരെ തീവ്രവാദികളുടെ വെടിവയ്പുണ്ടായത്. ആക്രമണത്തില്‍ എട്ടു പേര്‍ കൊല്ലപ്പെട്ടിരുന്നു.